İyül 22-sinde Qazahistannıñ eñ büyük Almatı şeerinde, matbuat konferentsiyasında başqa jurnalistler ile, Azatlıq Radiosınıñ Qazahizstan bölüginiñ jurnalistleri de ücümğa oğradı. Bu aqta Azatlıq Radiosınıñ ukrain bölügi bildirmekte.
Ücüm etkenler, jurnalistler merasimni çekmesin dep qıçıra edi ve kameralarnı tutıp almağa tırışa ediler. Ücümğa oğrağan matbuat hadimleriniñ arasında - yerli Azatlıq Radiosınıñ, Almaty TV şahsiy kanalnıñ ve KazTAG şahsiy haber agentliginiñ vekilleri bar edi.
Hususan, ücüm etkenler, Azatlıq Radiosınıñ mühbiri Nurgul Tapayevanı itedi ve operator Tokmoldı Kusainovnıñ kamerasını bozdı.
Matbuat konferentsiyasını uquq qoruyıcı faaller ve advokatlar teşkil etti, olar, bu yıl iyül ayında qail olunmağan mitinglerde iştirakleri içün apis etilgen üç qadın - Oksana Şevçuk, Jazira Demeunova ve Gülpiza Jaukerovanıñ tarafını temsil ete edi.
Qadınlar, mayıs ayında Qazahistanda prezident saylarlarına qarşı ve memleket paytahtı Astanağa sabıq prezident Nursultan Nazarbayevnıñ adı berilmesine qarşı keçırilgen mitinglerde bulunğanlarnı mahkemede tanıdı.
Tahqiqatçılar, qadınlarnı "Qazahistannıñ demokratik saylavı" yasaqlanğan siyasiy partiyasına aitliginen qabaatlaylar, bu teşkilâtqa sabıq bankçı ve iş adamı Muhtar Ablâzov qol tuta.
Ablâzov, 2009 senesinden berli Qazahistan tışında yaşay ve bu devlette siyasiy elitağa qarşı olğanınen belli.
2018 senesi Astanada (şimdi - Nursultan) mhkeme, "Qazahistannıñ demokratik saylavı" teşkilâtınıñ ekstremist tanıp, faaliyetini yasaqladı.