Qırımnıñ Rusiye yolbaşçısı Sergey Aksönov, 2026 senesiniñ başından berli yağğan yağanaqlar işğal etilgen yarımadanıñ suv anbarlarını 77% toldurmağa imkân berdi, dep bildirdi. Memur, suv anbarlarında 400 künge yetecek suv yedekleri bar, dep bildirdi.
"Bu yılnıñ başından berli Qırımda yağğan yağanaqlar sayesinde Qırımnıñ suv anbarları leyha miqdarınıñ 77%-na tolu. Bu yedekler cumhuriyetimizge, kelecekte suv aqımını esapqa almayıp, ortalama 400 künge suv teminatını temin etmek içün yeterlidir. Qırımnıñ bütün suv anbarlarında Quralaynıñ 21-nde olğan malümatqa köre, 186 million kubometr suv bar", — dep yazdı o Telegram-kanalında.
Memurnıñ bildirgenine köre, umumiy miqdarından 166 million kubometr suv içme suv anbarlarında toplanğan, bu ise 2025 senesinden 50 millionğa çoq.
İlhaqtan soñ yarımadada suv meselesi daima bar. Daa evel Qırım.Aqiqatta yazılğanı kibi, Aqmescitte Puşkin çeşmesi qurudı, bu ise qışta yerastı suvlarınıñ az toluvınıñ alâmetidir. Yarımadanıñ eñ büyük özenlerinden biri olğan Büyük Qarasuv özeni de Çeçekte aman-aman qurudı, çünki Qarasuvbazar suv anbarından özenge suv berilmey.