Keriç politehnik kollecinde olğan patlav neticesinde eñ az 18 insan elâk oldı, 40-tan ziyade yaralandı. Bunı Qırımnıñ Rusiye yolbaşçısı Sergey Aksenov bildire.
«Keriçte bulunam. Büyük facia. Soñki malümatqa köre, 18 insan elâk oldı, 40-tan ziyade yaralandı», – dep yazdı Aksenov.
Rusiye Tahqiqat komiteti 17 insan elâk olğanını haber ete.
«Cesedler baqıldı, nariye yaralardan can bergenler», – dep aytıla Tahqiqat komitetiniñ haberinde.
Your browser doesn’t support HTML5
Keriçte patlav, onlarnen insan yaralandı (video)
Patlav çarşenbe künü Keriç politehnik kollecinde oldı. Rusiyeniñ terrorizmge qarşı milliy komiteti, kollecde bomba patlağanını bildire.
Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi».