Keriçniñ rusiyeli akimiyetinde, şeerde “köçme alış-veriş noqtaları artqaç”, dep sayalar, bunıñ içün olarnıñ kimerlerini yıqmaq qararı alındı.
Şeer memuriyetiniñ başı Sergey Borozdin, Keriçte 583 alış-veriş noqtası qayd etildi, dep bildire.
“Şeer olarnen 132%-ğa temin etildi, bunıñ içün köçme ticaret noqtalarını azlaştırmaq qararı alındı. Qoruv mıntaqalarında, qaldırımlarda pekitilgen ve adamlarğa keder etken obyektler közde tutula. Biz olarnı shemadan silip, bozacaqmız”, - dep yaza “RİA Krım” rusiye haber agentligi Borozdinnıñ sözlerinden.
Keriç memuriyetiniñ resmiy saytında köçme alış-veriş noqtaları yıqtırılacağı aqqında şimdilik haber yoq.