Ahtem Seitablayev 47 yaşında. Qırımlı oyuncı ve rejissörniñ ayatından müim fotoresimler (fotoresimler)
Qırımtatar halqınıñ lideri Mustafa Cemilev, Ukraina televideniye ve radio yayınları milliy şurasınıñ azası (o vaqıt – Ukraina informatsion naziriniñ mesleatçısı) Sergey Kostinskiy, qırımtatar oyuncısı ve rejissöri Ahtem Seitablayev ve Qırımtatar Milliy Meclisiniñ reisi Refat Çubarov qırımtatar uçucı sınavcısı Amet-Han Sultan doğğanınıñ 95 yılı munasebetinen abidesine çeçek qoya. Şan Parkı, Kyiv, 2015 senesi oktâbrniñ 25-i
Ahtem Seitablayev «Başqasınıñ duası» filminiñ taqdim merasiminde, Kyiv, 2017 senesi mayısnıñ 17-si
Qırımtatar oyuncısı ve rejissöri Azatlıq Radiosınıñ Kyiv muarririyetinde musafirlikte, 2017 senesi noyabrniñ 16-sı
Ukrain kinorejissöri Ahtem Seitablayev «Kıborğı» yañı filminiñ taqdim merasiminden soñ matbuat konferentsiyasında. «Oskar» kinoteatri, Kyiv, 2017 senesi dekabrniñ 4-ü
Ukraina prezidenti Petro Poroşenko ve Ahtem Seitablayev «Kıborğı» filminiñ premyeradan evelki kösterüv vaqtında, Kyiv, 2017 senesi dekabrniñ 6-sı
Ukraina prezidenti Petro Poroşenko Ahtem Seitablayevge III derece «Yararlıq» nişanını Kyiv kinoteatrinde film premyerasında bere, 2017 senesi dekabrniñ 6-sı
«Kıborğı», Ukraina şarqında Rusiye desteklegen aydutlarnen cenkni köstergen ilk bediiy film oldı. Filmde strategik olaraq pek müim olğan Donetsk ava limanı içün uruş aqqında ikâye etile. «Kıborğı» mustaqil Ukraina tarihında eñ kassalı levha oldı
Ahtem Seitablayev ve Sentsovnıñ qız qardaşı Natalya Kaplan «Oleg Sentsov» kitabınıñ taqdim merasiminde. Kitap 2016 senesi dünya yüzüni kördi. O, Sentsovnı yahşı tanığan insanlarnıñ hatıraları, kitaplarınıñ parçaları ve film stsenariylerinden ibaret, em de dava şaatlarınıñ sorğu protokolları qoşuldı. Kitapta ev arhivinden ve mahkeme salonından çoq fotoresim bar. «Qırım evi», Kyiv, 2017 senesi oktâbrniñ 27-si
«Kıborğı» filminiñ rejissöri Ahtem Seitablayev AFP Frenkistan neşiri ile film aqqında laf ete. 2017 senesi dekabrniñ 29-ı
Qırımtatar rejissöri Nariman Aliyev çıqarğan «Evge» filminiñ parçası. Baş rollerden birini Ahtem Seitablayev oynadı
Nariman Aliyevniñ «Evge» filmi Odesa halqara kinofestivalinde taqdim etildi. Soldan üçüncisi – Ahtem Seitablayev. Film festivalde Grand Prix qazandı. Oktâbr ayında levha yılnıñ eñ yahşı filmi olaraq Ukraina kino tenqitçileriniñ «Kinokolo» milliy mukâfatını aldı. 2019 senesi mayıs ayında onı 72-nci Cannes festivalinde kösterdiler. Odesa, 2019 senesi iyülniñ 14-ü
Oleg Sentsovnıñ «Nomeralar» filmi Halqara Odesa kinofestivalinde taqdim etile. Soldan sağğa: Anna Palençuk – film prodüseri; Yuliya Sinkeviç – Odesa kinofestivaliniñ prodüseri; Ahtem Seitablayev – rejissör; Anastasiya Çernaya – Sentsovnıñ dostu ve kasting müdiri. Odesa, 2019 senesi iyülniñ 13-ü.
Oleg Sentsovnıñ özü o künü Rusiyeniñ Labıtnangi şeerinde apiste yatqan edi. 2015 senesi Rusiye mahkemesi onı Qırımda terror faaliyetinde qabaatlap, 20 yıl koloniyada qalmasına üküm etti. 2019 senesi sentâbrniñ 7-nde Ukraina ve Rusiye arasındaki esirlerni deñişim neticesinde rejissör Ukrainağa qayttı.