«Qırımtatarlarğa daa bir basqı»: advokat Lutfiye Zudiyevanıñ tutuluvı aqqında (video)

Qırımlı advokat Edem Semedlâyev qırımtatar faali Lutfiye Zudiyevanıñ tutuluvını izaatladı. «Qırımtatarlarğa ve «Qırım birdemligine» daa bir basqı» – dep ayttı Edem Qırım.Aqiqat mühbirine. Qırımlı advokat Emil Kurbedinovnıñ malümatına köre, faal Rusiyeniñ Ekstremizm ile küreş merkeziniñ hadimleri tarafından tutuldı. Onı Rusiye Memuriy cinayetler kodeksiniñ 20.3 maddesine istinaden – yasaqlanğan timsallerniñ numayış etilmesinde – qabaatlaylar. İşbu madde boyunca memuriy apis cezası berilmekte.