Advokat Aleksey Ladin Qırım.Aqiqatqa intervyü berir eken memuriy tevqifini temyiz mahkemesinde itiraz etecegini bildirdi.
Onıñ sözlerine köre, dava materialları temyiz mahkemesine artıq yollanğan. O, bu dava boyunca "qanuniy qarar çıqarılacağını" bekley.
"Bir taraftan bu qarar beklengen olğanını añlayım. Amma başqa taraftan qanuniy qarar çıqarılacağına da ümüt bar. Çünki bu davağa baqqanda, onıñ qanunğa alâqası olmağanı bellidir", - dedi Ladin.
Advokat oktâbrniñ 13-nde yaqalanğan edi. Mahkeme advokatqa Facebookta cenkke qarşı paylaşuv yapqanından Rusiye ordusını «itibardan tüşürüv» (Rusiye Federatsiyasınıñ Memuriy uquq bozuvlarınıñ 20.3.3 maddesi) davasına istinaden 45 biñ ruble para cezasını berdi. Advokat «Rus dünyasında» bir kün» adlı maqale paylaşqan ve «CENNKE YOQ» tegini qullanğan eken.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.