ABDde aprelniñ 26-nda 2018 senesiniñ soñunda qayd olmağan çetel agenti olıp çalışmaq içün Birleşken Devletlerge qarşı areket etkenini tanığan rusiyeli Mariya Butinağa üküm ilân etilecek, dep haber ete Azatlıq Radiosı.
Washington mahkemesi yerli saatqa köre saat 10:00-da (Kyiv saatına köre 17:00-da) toplaşuv başlamağa planlaştıra.
30 yaşında Butina beş yılğa apiske alına bile, amma Amerika akimiyeti rusiyelini 18 ayğa tevqif etmege ve onı sürgün etmege talap ete.
Bütina «Silâ aqqı» Rusiye areketiniñ esasçısı ola. Rusiyeli 2018 senesi iyülniñ 15-nde yaqalandı. Onı resmiy kanallar tışında Rusiye ve ABD prezidentleri arasında bağ qurmağa tırışqanında qabaatlaylar.
2018 senesi dekabr ayında Butina ABDge qarşı fitne yapqanında özüni qabaatlı tanıp, tahqiqat ile işbirligi yapmağa razı oldı. Diñlevlerde rusiyeli resmiy şahısnıñ reberligi altında areket etkenini ve cumhuriyetçiler ve ABD Milliy atıcılar birligi ile bağ qurmağa tırışqanını bildirdi.
Qabaat tarafı Butinanıñ sabıq Rusiye deputatı ve Rusiye Merkeziy bankınıñ azası Aleksandr Torşin ile bağları aqqında aytqan edi. Butinanıñ apiske alınmazdan üç ay ögüne ABD Maliye nazirligi Torşinğa qarşı maliye sanktsiyalar kirsetken edi.
Kreml Butinağa qarşı qabaatlarnı «delilsiz» dep adlandırdı.