ABD ve Ukrayına prezidentleri Joe Biden ve Volodımır Zelenskıy eki memleket arasında telükesizlik işbirligi añlaşmasını imzaladılar. Añlaşma 10 yıl devam etecek.
Merasim İtaliyada keçirilgen «Yedi gruppası» (G7) sammitinde olıp keçti. Zelenskıy yedi demokratik memleket liderleriniñ toplaşuvına davet etildi, anda Rusiye ile cenkte Ukrayınağa qoltutuv da muzakere etildi.
Reuters agentligi qayd etkenine köre, añlaşma metninde vesiqa Ukrayınağa NATOğa kirüvde ilerilemege yardım etmek içün bar, dep aytıla.
Vesiqada, Şimaliy atlantik añlaşma belgilegeni kibi, istilâ vaziyetinde Ukrayınağa arbiy yardım mecburiyetleri yoq. İstilâ ya da telüke olsa, Ukrayınanıñ mudafaa imkânlarını quvetleştirmek içün ola bilecek tedbirlerni belgilemek içün 24 saat içinde mesleat mehanizmi bar.
Añlaşmada ABDniñ Ukrayına suvereniteti ve topraq bütünligine qoltutqanı tasdıqlana. ABD, Ukrayınağa uzun müddetli silâ berilüvi, arbiylerni ögretüv, tevsiyelernen yardım etmege vade ete.
Kyiv NATOğa kirgen onğa yaqın memleketnen böyle añlaşmalar tizdi. Cumaaqşamı künü İtaliyada Yaponiyanen añlaşma tizilgen edi. Ukrayınada bu vesiqalarnıñ müim olğanına baqmadan, Şimaliy atlantik ittifaq azalığını deñiştire bile, dep qayd etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.