ABD prezident muavini James David Vance Fox News intervyüsında soñki aftaları Rusiye Ukrayina ile eki taraflı muzakerelerden ve ABD iştirakinen üç taraflı körüşüvlerden vazgeçe edi, dep bildirdi.
«Biz kene de barışıq isteymiz, amma tango içün çift kerek», – dep qayd etti o, ve Moskva «uyanıp, kerçekni qabul eter», dep ümüt etti.
ABD prezidenti Donald Trump üç taraflı körüşüv bekley, dep bildirgen edi. Rusiye prezidenti Vladimir Putin Ukrayina prezidenti Volodımır Zelenskıynen körüşüv ola bile, amma Kyiv ile esas meselelerde añlaşma olmaycaq, dep ayttı.
Aynı vaqıtta Trumpnıñ memuriyeti Ukrayinağa NATO memleketlerinden «Tomagavk» uzaq radiuslı qanatlı raketalarınıñ berilüvini muzakere ete. Vanceniñ aytqanına köre, soñki qararnı prezident ABD menfaatlarına esaslanıp alacaq.
The Wall Street Journal gazetası yazğanına köre, Trump Kyivge uzaq mesafeli silâ, hususan «Tomagavknıñ» berilüvine qarşı çıqmay. Axios menbaları bildirgenine köre, Trump olarnıñ NATO memleketlerinden berilüvine qarşı çıqa.
NATO baş kâtibi Mark Rutte Rusiye ve Ukrayinanıñ cenki muzakerelernen bitecektir, dep ayttı. Ukrayinağa barışıq añlaşmasından soñ telükesizlik kefaletleri berilecek, dep söz berdi.