ABD prezidenti Joe Biden Avropa komissiyasınıñ başı Ursula fon der Lâyyen ile telefondan laf etti. Bu qonuşma vaqtında olar daa Ukraina ile bağlı areketlerni koordinatsiya etmege keliştiler. Bunı Beyaz ev haber etti, dep yaza Azatlıq Radiosı.
Ursula fon der Lâyyen ile laf etkende Biden Avropa Birligine öz destegini ve ABD ve AB arasında qızğın işbirlikniñ ğayrıdan tiklenilmesi tarafdarlığını bildirdi.
ABD prezidenti ve Avropa komissiyasınıñ reisi Bütündünya ticaret teşkilâtı içindeki davalar çerçivesinde taqdim olunğan aviatsiya tehnikasına qarşılıqlı alımlarnı dört ayğa toqtatmağa añlaştılar. Liderler bu uzun müddetli davalarnıñ al etilmyesi içün çalışmağa razı oldılar.
«Biden ve Ursula fon der Lâyyen Çin, Rusiye, Belarus, Ukraina ve Ğarbiy Balqanlar ile beraberlikte umumiy meraq doğurğan meseleler üzerinde areketlerni koorlinatsiya etmege añlaştılar», – dep yazıla Beyaz evniñ saytında.