O, Moskva soñki bir qaç afta özek doktrinasını yañartmaq niyetini bildirgenini qayd etti.
«Biz evel körgen ve, doğrusını aytqanda, soñki eki yıl içinde körgen aynı mesülietsiz laflardır. Demek, bunı seyir etmege devam etecekmiz. Amma biz Rusiyeniñ Ukrayinada özek silâsını qullanmağa azırlanğanınıñ iç bir alâmetini körmeymiz ve özek qararımızda yapılmaq kerek olğan iç bir deñişmelerni körmeymiz», – dedi Singh.
Rusiye prezidenti Vladimir Putin «Rusiye Federatsiyasınıñ özek cenkleşüv saasında devlet siyasetiniñ esaslarını tasdıqlav» qararını imzaladı. Vesiqa Rusiyeniñ resmiy uquqiy malümat portalında noyabrniñ 19-nda derc etildi ve işke tüşürildi.
Yañartılğan doktrinağa köre, özek ücüminiñ sebebi «özekli devletniñ desteginen er bir özeksiz devletniñ Rusiye Federatsiyasına ve onıñ itifaqdaşlarına qarşı istilâsı», em de özeksiz vastalarnen kütleviy ava ücümi, şu cümleden dronlarnen ücüm ola bile.
Putin sentâbrniñ 25-nde Rusiye Havfsızlıq Şurasınıñ toplaşuvında özek cenkleşüv doktrinasını yañartmağa teklif etti. Rusiye prezidentiniñ spikeri Dmitriy Peskov deñişmelerni Ğarp içün «belli bir signal» olaraq baqmaq kerek, dep aytqan edi. «Bizim memleketimizge qarşı çeşit vastalarnen, özek olmasa da, ücüm etseler, neticeleri aqqında bu memleketlerni haberdar etken bir signaldır», – dedi Peskov.
Moskva, özek doktrinasını Kyivniñ Brânsk yanındaki cenk silâları anbarına ücüm etmek içün Amerika ATACMS raketasınen ücüm etkeni aqqında haberler çıqqan soñ ve Rusiyeniñ Ukrayinağa qarşı cenkiniñ 1000-inci kününde yañarttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.