Kramatorsk şeer yolbaşçısı Oleksandr Ğonçarenko şeerniñ merkezine kerçekleştirilgen ava darbesi aqqında bildirdi, zarar körgenler bar.
«Aqibetleri aqqında malümat alamız, qurtaruv hızmetleri çalışa. Sığınaqta qalıñız, telüke bar», – dep yazdı o, Facebookta.
Tafsilâtlı malümat şimdilik berilmey.
Donetsk vilâyeti arbiy memuriyetiniñ yolbaşçısı Pavlo Kırılenkonıñ soñki malümatına köre, fevralniñ 24-nden Rusiyeniñ Donetsk vilâyeti istilâsı neticesinde eñ az 577 insan elâk oldı. Bu malümatta Mariupol ve Volnovahada elâk olğanlar yoq.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.