Ukraina prezidenti Petro Poroşenko Washingtonda AQŞ Kongressiniñ eyyeti ile körüşip, Qırım aqqında laf etti.
Bu aqta o sentâbrniñ 1-nde özüniñ Facebook saifesinde haber etti.
“Körüşüv devamında Ukrainağa başlı Qırım ve Donbassnıñ ilhaqtan azat etilüvi boyunca halqara küç-quvetni küçlendirüvge yönlendirildi. Avropanıñ energetik havfsızlığı içün telüke yaratqan “Şimaliy aqış-2” leyhasınıñ amelge keçirilüvi muzakere etildi. Ayrıca Ukrainada islâatlar programmasınıñ amelge keçirilüvi ve HVFnen işbirliginiñ inkişafı etüv meslesine de diqqat ayırıldı”, – denilmekte haberde.
Poroşenko AQŞ Kongressiniñ Ukrainanıñ suvereniteti ve topraq bütünligi qorçalavda, Ukrainağa uçucı mudafaa sılâsınıñ berilüvi ve Rusiyege yapılğan sanktsiyon tazyıqnıñ quvetlendirilüvindeki rolüni qayd etti.
Petro Poroşenko sentâbrniñ 1-nde AQŞni hususiy teşrifi ile ziyaret etip, Cumhuriyet firqasınıñ senatorı, Ukraina menfaatları içünardı-sıra lobbistlik yapqan John McCain ile vedalaşmağa barğan edi. Senator avgustnıñ 25-nde 81 yaşına kelip vefat etti. John McCainniñ cenazesi sentâbrniñ 2-nde, bazar künüMaryland ştatınıñ Annapolisinde yerleşken AQS ADQ akademiyasınıuñ mezarlığında keçecek.