Ukraina tış işleri naziri Pavlo Klimkin, Rusiye Qırım ilhaqını aqlamaq maqsadınen «özüniñ zayıf olğanını numayış ete», dep saya.
«Tünevin bir qaç medeniy devletniñ beyannamesine cekirip taşlağan Rusiye Qırımnen bağlı ücüminen zayıflığını numayış etti. Tarihni biraz qarıştıraraq, bügünki cinayetini tüzetmek - zayıf bir areket. Rusiye dellilerni keçmişte qıdıra, medeniy dünya ise – halqara uquq içinde», – dep yaza Ukraina TİN özüniñ Twitter saifesinde.
Учорашнім випадом щодо Криму Росія демонструє свою слабкість, огризаючись на декларації низки цивілізованих країн. Жалюгідний хід:трохи покопирсатися в історії, аби знайти виправлення сьогоднішнім злочинам. РФ шукає аргументи в минулому,а цивілізований світ - в міжнародному праві
— Pavlo Klimkin (@PavloKlimkin) 29 июля 2018 г.
Aynı zamanda Ukraina TİN yolbaşçısı Rusiye akimiyetiniñ angi areketleri aqqında söz yürsetilgeni boyunca malümat berdi.
Bir kün evel Rusiye Federatsiya Şurası aprelniñ 19-zını, Qırım, Taman ve Kubanniñ (1783 senesi) Rusiye imperiyasına qabul etilgenine dair - Rusiyede yañı hatıra künü tayin etilgenini tasdıqlağan qanun çıqardı.
Daa evel Rusiye devlet duması soñki oquvda Qırım, Taman ve Kubanniñ (1783 senesi)Rusiye imperiyası terkibine qabul etüvinen bağlı qanun leyhası qabul etken edi.
Mevzuğa dair: «Bu zalımca bir zapt edi»: Rusiye Qırımnıñ ilk ilhaqını qayd etmek istey
Rusiyeli felsefeci ve neşirci Maksim Gorünovnıñ fikrine köre, 1783 senesi aprelniñ 19-zı olaraq Qırımnıñ ilk ilhaqınen alâqalı hatıra kününi tesis eterek, Rusiye akimiyeti Rusiye vatandaşlarınıñ ğurur derecesi yükselsin dep yapa.
Ukraina milliy hatıra institutınıñ regional hususiyetler ve milliy azınlıqlar siyasetini talil etüv bölüginiñ başlığı, tarih ilmleri namzeti Bogdan Korolenko, Rusiye böyleliknen tış küçlerge qarşı yarımadanı imaye ete dep saya.
Halqara cemaatçılıq Qırımnıñ işğali ve ilhaqını qanunsız dep tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.