Google Maps servisi ilhaq etilgen yarımada tarafından kelgen Keriç köpüriniñ adını ukraince («Krımskiy mist») dep yazğan. Bu arada Rusiyeniñ Taman tarafındaki qısmınıñ adı rusca yazılğan.
Kreml nezareti altındaki Qırımnıñ yolbaşçısı Sergey Aksönov bu vaziyetni «musbet» deyerek, köpürniñ bar dep «tanılğanı» aqqında ayttı.
Mayısnıñ 15-nde qurulayatqan Keriç köpüriniñ avtoyol qısmınıñ açılışında Rusiye prezidenti Vladimir Putin iştirak etken edi.
Ukraina prezidenti Petro Poroşenko mayısnıñ 15-nde, Rusiye ilhaq etken Qırımda Keriç köpüriniñ qurğanı Kremlniñ halqara uquqqa sayğısızlıq köstergeniniñ nevbetteki misali olğanı aqqında aytqan edi.
Avropa birligi Rusiye ve ilhaq etilgen Qırım arasında qısmen açılğan Keriç köpürini tenqit etken edi.
2014 senesi Qırım ilhaq etilgen soñ Ukraina Rusiye ile tizilgen köpür qurulışınen bağlı muqaveleden çıqtı.