Rusiyeniñ Rostov-na-Donu şeeriniñ mahkemesi Yaltalı «Hizb ut-Tahrir işi» esnasında, obyektiv ihtiyac olğanına baqmadanterciman bermey, dep ikâye etti Qırım.Aqiqat Radiosı efirinde qabaatlanğanlardan Emir-Usein Kukunıñ adliyecisi Sergey Loktev.
«Muracaatlardan biri – qırımtatarca bilgen tercimannıñ iştirak etmesi edi. Afsus ki, mahküm etilgenler rica etkenine baqmadan, mahkeme bizlerge böyle bir fursat bermedi. Bu rica daa ziyade, biz çağırıp sorğulaycaq imaye tarafınıñ şaatları qırımtatar tilini bilgeni, amma rusçanı yahşı bilmegenleri sebebinden yapılğan edi», – dep qayd etti adliyeci.
Sergey Loktevniñ şikâyeti, onıñ fikrine köre, qabaatlavnen bağlı lingvistik-diniy ekspertizanı munasip malümatı olmağan mutehassıs – yani Orta asırlar boyunca dissertatsiya qorçalağan, lâkin islâm dini boyunca bilgisi olmağan tarihçı yapqanınen bağlı.
Mevzu boyunca: «Qarar yaz soñunda çıqacaq»: «Yaltalı altı kişi»nıñ işi nasıl kete
Mayısnıñ soñunda Şimaliy-Kavkaz okrugınıñ arbiy mahkemesi Yaltalı «Hizb ut-Tahrir işi» altı iştirakçisiniñ apiste qaluv muddetini üç ayğa uzattı.
Rusiye arbiy mahkemesi Yaltalı «Hizb ut-Tahrir işi» mahkemelerini 2016 senesi fevral-mart ayları arasında Yaltada Arsen Cepparov, Refat Alimov, Emir-Üsein Kuku, Muslim Aliyev, Enver Bekirov ve Vadim Sirük tutulıp alınğan edi. Olar Rusiyede yasaqlanğan «Hizb ut-Tahrir» islâm siyasiy teşkilâtına alâqası olğanındsa qabaatlanğan edi.
Rusiye arbiy mahkemesi Yaltalı «Hizb ut-Tahrir işi» mahkemelerini Aqmescitte köçme oturışuvda keçire edi. Ondan soñ tevqif etilgen qırımlılar Rostov-na-Donu şeerine yollanıldı.
Ukraina tış işleri nazirligi Rusiyeden Yaltalı «Hizb ut-Tahrir işi» altı iştirakçisiniñ azat etilmesi talap etken edi.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokat Emil Kurbedinovnıñ qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri.Halqara uquq işğal etilgen territoriyalarda işğalci devlet qanunlarınıñ kirsetilmesini yasaqlay.