Qırımtatar Milliy Meclisiniñ reisi Refat Çubarov Qırım.Aqiqatqa bergen intervyusında Donbass ve Qırımnı kesen-kes ğayıp etilgen taqdirde, Ukrainanıñ maneviy ayatında bir sınav olaraq, devletniñ yañıdan sarsılmasına sebep olur.
«Biz Donbass ve Qırımnı ğayıp eterek, mustaqil sürette inkişaf etip olurmız dep tüşüngenler, pek yañlışa. Belki de, iqtisadiy ceetten bir ilerileme olur, lâkin maneviy ceetten öyle bir sınav olur ki, bu ukrain cemiyeti içün yañı sarsıntılar ketirir. Bu sınavğa yol bermemek içün, bu topraqlarnıñ qaytarmaq ve anda bizlerni, Ukrainanı beklegen vatandaşlarımıznen birleşmek oğrunda bütün küçümizni qullanmaq kerekmiz», – dedi Çubarov.
Milliy Meclis reberi, devletni saqlap qalmaq içün Ukraina birleşmek kerek dep saya.
«Biz – devletni saqlap qaluv ve pekitüv kibi eñ muim maqsad içün seferber olmalımız. Ancaq bu topraqlar qaytarılmağance saqlap qalmaq ve pekütmek imkânsız.İşte bizim bütün şartlı ifademiz bundan ibaret», – dep ilâve etti Çubarov.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.