Rusiye paytahtındaki Moskva şeer mahkemesi Roman Suşenkonıñ tevqif müddeti 2018 senesi martnıñ 30-na qadar uzattı, dep haber ete advokat Mark Feygin.
«Moskva şeer mahkemesi Roman Suşenkonıñ apiste qaluv müddetini 2018 senesi martnıñ 30-na qadar uzattı», – dep yaza advokat Twitterde.
Московский городской суд продлил срок содержания под стражей Роману Сущенко до 30 марта 2018 года. Завтра будет подана апелляционная жалоба.
— Mark Feygin (@FeyginMark) 24 января 2018 г.
Onıñ sözlerine köre, mahkeme qararı yanvarniñ 25-nde temyiz etilecek. Moskva şeer mahkemesi Suşenkonıñ tevqif müddetinen hususındaki evelki qararlarınen bağlı şikâyetni red etken.
FSB sentâbrniñ 30-nda Moskvada ukrain jurnalisti, «Ukrinform» agentliginiñ muhbiri Roman Suşenkonı, ukrain istihbaratınıñ hadimi dep, «bir maqsatqa baqtırılğan ve devlet sırı dep sayılğan, silâlı quvetler ve Rusiye milliy gvardiyası aqqında malümat toplağanında» qabaatlayaraq, tutıp alğan edi. Jurnalistke nisbeten «casuslıq» maddesi boyunca cinaiy iş açılğan edi.
Suşenko bütün qabaatlavlarnı inkâr ete. Ukraina tarafı jurnalistke nisbeten çıqarılğan qabaatlarnı esassızdır diyerek, onıñ acele sürette azat etilmesini talap ete.