Türkiyeniñ Eskişehir şeerinde iyülniñ 2-nde qırımtatar diaspora vekilleri milliy medeniyet ve adetlerge bağışlanılğan ananeviy bayramnı keçirdi. Merasimde ukrain diplomatları ve yerli akimiyet temsilcileri de iştirak etti. Bunı Twitterde Türkiyedeki Ukraina elçihanesiniñ matbuat hızmeti haber etti.
1/1Представники Посольства України @UKRinTR взяли участь у традиційному святі кримськотатарської діаспори в м. Ескішехір #Ukrayna #Kırım pic.twitter.com/solT6fqbth
— UKR Embassy in TR (@UKRinTR) July 2, 2017
«Eskişehirniñ şeer akimiyeti temsilcileri Rusiyeni Qırımdan ellerini çekmege çağırdı ve Ukrainağa destek bildirdi», – dep aytıla bildirüvde.
1/2 Представники місцевої влади м. Ескішехір закликали Росію прибрати руки від Криму та висловили підтримку Україні #stopRussianAggression pic.twitter.com/6cMFeQjtpN
— UKR Embassy in TR (@UKRinTR) July 2, 2017
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.