Frenkistan prezidenti Emmanuel Macron, Rusiyeniñ RT ve Spurnik devlet kütleviy haber vastalarını Frenkistanda president saylavlarınıñ kampaniyası devamında «sahte» haberler ve propaganda yayınlağanlarında qabaatladı.
Mayısnıñ 29-nda Frenkisanda ziyaret ile bulunğan Rusiye prezidenti Vladimir Putinnen birlikte ötkerilgen matbuat konferentsiyası devamında Macron dedi ki, bu agentlikler «tesir ve propaganda vastaları» edi ve «ükümet organları kibi davrandılar».
Putin mayısnıñ 29-nda, Frenkistandaki saylavlarğa Moskvanıñ qarışqanını red etti.
«Qarışuv, zan etilgen qarışuvğa kelgende, biz bu meseleni muzakere etmedik, ve devlet yolbaşçısı bu meselenen meraqlanmadı. Öz tarafımdan ise – ne muzakere eteyim: fikirimce, mesele ortada yoq», – dedi Putin.
Putin ve Macron ilk kere körüştiler. Mayısnıñ 7-nde Macron Frenkistanda president saylavlarnında Marine Le Penni yeñgen edi, o ise mart ayında Moskvağa Putinnen körüşmek içün barğan edi.
Frenkistanda saylavlarnıñ birinci basamağını keçken soñ Macron Rusiyeni internet ücümları içün qabaatladı ve Rusiyeniñ RT ve Sputnik media-şirketlerini, sahte haberlerneniñ yayınlanmasında qabaatlap, öz saylav merkezine yibermedi.
Moskva öz tarafından, bundan evel Berlinge ve Washingtonğa cevaplanğanı kibi, qarışuv iddialarını kene red etti.
Saylavlardan ögüne, martnıñ 24-nde, Rusiye yolbaşçısı Kremlde Macronnıñ raqibi Marine Le Penni qabul etken edi. O Avropa Birliginiñ Qırım istilâsından soñ Rusiyege qarşı qabul etilgen yaptırımlarını lâğu etmege çağırğan edi.