Mayısnıñ 6-sı kün devamında Ukraina sıñırcıları «Çonğar» kiriş-çıqış kontrol noqatsında kene de Rusiye tarafı işğal etilgen Qırımğa doğru areketni yavaşlatqanı ve suniy nevbet yaratqanını qayd etkenler.
Bu aqta Qırım.Aqiqatqa Ukraina sıñır hızmeti Berdânsk sıñır otrâdınıñ matbuat hızmeti ikâye etmekte.
«İleride bir daa Ukrainanıñ esas qısmından kelgen turistlerniñ «inanılmaz» aqımı aqqında ikâye etmek içün, «Çonğar» kontrol noqtası qarşısında işğalciler bir daa keçirüv operatsiyalarını yavaşlataraq, istilâ altındaki Qırımğa ketken areketni tosmenge tutalar», - denile idareniñ haberinde.
Aydınlıq kirsetmek maqsadınen Devlet sıñır hızmeti, «Çonğar» kiriş-çıqış kontrol noqtasından (KPVV) mayısnıñ 6-da 40 ziyade maşna Ukrainanıñ esas qısmından çıqmaq içün beklegen.
Ukraina Devlet sıñır hızmetiniñ Berdânsk sıñır otrâdınıñ matbuat kâtibi Nelâ Dotsenko Qırım.Aqiqatqa bergen malümatına köre, aqşamğa doğru beklegen maşnalarnıñ sayısı «Çonğar» KÇKN -15, «Kalançak»ta – 5, «Çaplınkada» asla olmağan eken.
Qırım 2014 senesiniñ başında Rusiye tarafından işğal etilgeninden soñ Ukrainanıñ esas qısmı ve yarımada arasında memuriy, lâkin aslında tam bir «sıñır» peyda oldı.
Memuriy sıñırda «Kalançak», «Çongar» ve «Çaplınka» olmaq üzre üç kiriş-çıqış kontrol noqtası çalışmaqta.