Kefedeki «Kefe optika zavodı» devlet işhanesiniñ öz işçilerine 3,2 mln ruble (1,4 mln grn – QA) aylıq borcu toplanğan. Bunı mayısnıñ 5-de Kreml nezareti altında bulunğan Qırım prokuraturası bildirmekte.
«Aylıqlarnıñ öz vaqtında berilmegeninen bağlı hatalar tapıldı. Böyleliknen, 2016 senesi dekabr – 2017 senesi fevral ayı arasındaki muddet içün işhane öz işçilerine 3,1 mln borçlanğan», - denilmekte.
İdare hadimleri bildirgenine köre, prokuratura qarışqan soñ işçilerniñ aylıqları tölengen.
Prokuratura zavodnıñ müdirine hatalarnıñ tüzetilmesinen bağlı ihtar taqdim etken, dep qayd ete idareniñ matbuat hızmeti.