Yalta şeeri Kyivskaya soqağında yerleşken Merkez bazar yanındaki maşna parkovkası Kreml nezareti altındaki Qırım yolbaşçısı Sergey Aksönov bergen emireine baqmadan yoq etilmeycek. Bu aqta Rusiyege bağlı Yalta şeet memuriyetiniñ yolbaşçısı Andrey Rostenko ikâye etti, dep bildire Qırım.Aqiqatnıñ muhbiri.
«Bizler, şeer memuriyetiniñ küçüni qullanaraq bazar saibinen birleşip muayyen bir rekonstruktsitya keçirilmesinen bağlı proyektni közden keçirip qabul etken edik. Parkovka farqlı bir şekilge ketirilecek: biz maşnalar areket etken eki yolaqnı boşatıp, anda asla kirilmeycek kibi yapacaq olamız. Men proyektniñ yapılması içün cumhuriyet yolbaşçısından biraz teneffüs istedim ve bunen bağlı malümat oña keççe bildirilecek. Men bellesem, maşnalar turğan yer saqlanıp qalır, amma şimdiki şeklinde degil: artıq maşınalar çıqqan, kirgen ya da yañlış turğan vaqtında eki yolaqnı qaplamaycaq», - dep ikâye etti Rostenko.
Şeer mimariy-qurucılıq şurasınıñ toplaşuvı arfesinde Sergey Aksönov Andrey Rostenkoğa kurort sezonı başlanmasından evel «Yalta sebzevat bazarınıñ yanında yerleşken parkovnkanı ne yapıp-yapıp coymaqnı» avale etken edi. Aksönovnıñ fikrine köre, Yaltada kurort sezonınıñ keçmesine keder etebilecek tıqanıqlıq vaziyeti pek keskin turmaqta.