Varşavada iş ziyaretinde bulunğan Ukraina Tışqı işler naziri Pavlo Klimkin Gürcistan TİN başı Mikheil Janelidze ile körüşti. Eki devletniñ tışqı işler nazirleri Rusiye basqısına qarşı nevbetteki areketlerini muzakere ettiler. Bu aqta Ukraina TİN matbuat hızmeti bildire.
«Nazirler halqara uquqnı bozğan ve halqara telükesizlikke havf yaratqan Rusiye Federatsiyasınıñ ücümci siyasetini tenqid ettiler. Taraflar Ukraina ve Gürcistan mustaqilligi ve birligini desteklegen siyasetniñ tarafdarları olğanını tasdiqladılar», – dep haber etile.
Павло #Клімкін провів зустріч з Міністром закордонних справ #Грузії Міхеілом Джанелідзе / @PavloKlimkin met w/ FM of #Georgia @JanelidzeMkh pic.twitter.com/na7hDdUMNZ
— MFA of Ukraine 🇺🇦 (@MFA_Ukraine) 12 апреля 2017 г.
Ondan da ğayrı diplomatlar Avropa Birliginiñ «Şarq işdeşligi» leyhasını ve olması mümkün olğan eki taraflı işbirliknimuzakere ettiler.
Ukraina Tışqı işler naziri Gürcistannı eñ yaqın zamanda ziyaret etmege azır olğanını bildirdi.
İyül 22 künü Ukraina ve Gürcistan diplomatik munasibetleriniñ 25 yıllığını qayd etecekler.