AQŞ Kongressinde işğal etilgen Qırımda qırımtatarlarnıñ vaziyeti aqqında rezolütsiyanı muzakere eteler. Bunı Twitterde AQŞ ziyaretinde bulunğan Rusiye advokatı Mark Feygin haber etti.
Feygin: «Halqara işler Komitetinde çalışqan kongressman Albio Sires (New Jersey) ile birlikte. Qırımtatarlarğa dair rezolütsiyanı ende muzakere eteler», – dep yazdı.
С конгрессменом Albio Sires (New Jersey) из Комитета по международным делам. Резолюцию по крымским татарам уже обсуждают. pic.twitter.com/kuYPQ0DqTZ
— Mark Feygin (@mark_feygin) 29 марта 2017 г.
Onıñ sözlerine köre, AQŞ Kongressiniñ halqara komitetiniñ daa bir vekili Peter J. Roskam ile körüşüv de ötkerildi.
Пошёл к конгрессмену из Иллинойса Peter J. Roskam. Он тоже из международного комитета. pic.twitter.com/YoFCq4akfV
— Mark Feygin (@mark_feygin) 29 марта 2017 г.
Keçende advokat Mark Feygin bildirdi ki, AQŞ ziyareti devemında o Kongresste Qırım ve Qırımdaki siyasiy mabuslar aqqında yañı rezolütsiyalarnıñ qabul etilmesini muzakere ete.
AQŞ senatorlarından, Cumhuriyet ve Demokratik fırqalarnıñ vekillerinden bir taqım, Amerika prezidentini Rusiyege qarşı Qırımnıñ işğali ve Donbassta Ukrainağa ücümlarından sebep daa qattı turmağa çağırdı.
Ukraina Yuqarı Radası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.