Kreml nezaretindeki Qrım parlamentiniñ başı Vladimir Konstantinov 2014 senesi fevral-mart aylârınıñ vaqıyaları aqqında kitap yzdı. Bunı o «Sputnik v Krımu» radiosınıñ efrinde haber etti.
«Kitap yazmaq ğayesi çoqtan, bütün tarihiy vaqıyalar olıp keçken soñ aqılıma keldi. O zaman iss etken duyğularımıznı akis etmek pek müim edi. Akimiyetiniñ yuqarı basamağında bulunğan insan olaraq, men olğan vaziyetke öz nazarımı tesbit etmek ve qıymet kesmek pek müim edi», – dedi Konstantinov.
Onıñ sözlerine köre, «Qırım baari» aqqında kitap bir yıl devamında yazıldı. Ondan da ğayrı Konstantinov, bu eseri kerçek siyasiy ve tarihiy talilge iddia etmegenini ayttı.
2014 senesi mart 16 künü Qırım ve Aqyarda yarımadanıñ statusı aqqında referendum keçirildi, 2014 senesi mart 16 künü Qırım ve Aqyarda yarımadanıñ statusı aqqında, dünyada qabul etilmegen, referendum keçirildi, neticede Rusiye Qırımnı özüne qoşqanını ilân etti. Ukraina, Avropa birligi ve AQŞ bu rey berüvini tanımadılar ve Qırım Rusiye tarafında işğal etilgenini tasdiqlay.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.