Büyük Britaniya Tİ naziri Boris Johnson, «Qırım işğali iç bir vaqıt qabul etilmeycegini» Rusiyege qarşı sanktsiyalar ise şiddetleşmek kerek olğanını ayttı.
Böyle beyanatnı Johnson mart 1 künü Ukraina, Büyük Britaniya ve Poloniya tışqı işler nazirleriniñ matbuat konferentsiyası devamında bildirdi, dep haber ete Ukraina Tış işler nazirliginiñ matbuat hızmeti.
.@BorisJohnson:we%27ll never accept occupation of Crimea.Pressure on Russia should be intensified rather than reversed pic.twitter.com/fNeCHvPXcZ
— MFA of Ukraine 🇺🇦 (@MFA_Ukraine) 1 марта 2017 г.
.@PavloKlimkin: we discussed Donbas&Crimea. We discussed how to make 🇷🇺 implement Minsk & how to get 🇷🇺out of Donbas pic.twitter.com/PiL51aCXMj
— MFA of Ukraine 🇺🇦 (@MFA_Ukraine) 1 марта 2017 г.
Ukraina TİN yolbaşçısı Pavlo Klimkin, körüşüv iştirakçileri «Donbass ve Qırım» meselesini muzakere etkenlerini bildirdi.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.