Genèvedeki Milletler sarayında Birleşken Milletler Teşkilâtı insan aqları şurasınıñ 34-ünci sessiyası çerçivesinde nazirlerniñ «Qırımda insan aqları vaziyeti» körüşüvi olıp keçti. Tedbirde BMT memleket-azaları ve bir sıra halqara teşkilâtnıñ 70-ten ziyade temsilcisi toplaştı, dep bildire Ukrain Tışqı işler nazirligi fevral 28-de.
«Latviya ve Litvaniya Tışqı işşler nazirleri Sovetler Birligi tarafından işğal etilgenini hatırlap, bir vaqıtları Latviya ve Litvaniya işğalini tanımağan diger devletler ve Qırım işğalini tanımağanını qayd ettiler», – dep aytıla haberde.
У женевському Палаці націй відбувся захід міністерського рівня щ/ дотрим прав людини у Криму https://t.co/IfsTgnX73b pic.twitter.com/dB6SMJy0R4
— MFA of Ukraine 🇺🇦 (@MFA_Ukraine) 28 Şubat 2017
Ukraina TİN malümatına köre, çıqışta bulunğanlar Ukraina topraq bütünligine qoltutqanını bildirdi; Rusiyeniñ Qırım işğaligi takbih etti; Rusiyeniñ işğal etken yarımadağa BMT monitoring missiyası, jurnalist ve uquq qorçalayıcılarnıñ kirip olamağanından açuvlanğanını aydınlattı; Qırımdaki vaziyet işğal bitken soñ eyileşe bile, dep qayd etti.
Avropa ve Avropa-Atlantik bütünleşme boyunca suallaerde Ukraina Baş naziriniñ muavini İvanna Klimpuş-Tsintsandzeniñ malümatına köre, fevral 25 kününe itibaren Qırımda işğalden başlap 12 insan vefat etti, 17 insan ğayıp oldı, 39 siyasiy mabusı oldı, olardan 10 mahkeme cezasını aldı.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.