Kreml nezaretindeki Qırım Yuqarı mahkemesiniñ nevbetteki toplaşuvında gizli şaatnı sorğudan keçirecek olalar. Bunı Twitterde advokat Nikolay Polozov yazdı.
Polozov: «Prokuror delillerniñ taqdim etüv ceryanını deñiştirdi ve gizli şaatnı sorğulaycaq oldı», – dep yazdı.
Fevral 6 künü Kreml nezaretindeki Qırım Yuqarı mahkemesi Qırımtatar Milliy Meclis reisiniñ muavini Ahtem Çiygoznı aprel 8 kününe qadar apiste qalacağı aqqında qarar alğan edi.
Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Rus Birligi» firqası, miting iştirakçilerine qarşı çıqtı.
Rusiye mahkemesi «Çiygoznıñ işini» «fevlral 26 işi» çerçivesinde alıp bara, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.