Ukraina Tışqı işler naziri Pavlo Klimkin, Kanadanıñ Quebec şeerinde camige yapılğan ücüm aqqında bildirüvlerge seslenip, Ukraina terrorizmge qarşı küreşte Kanadanıñ tarafında olğanını ayttı.
Klimkin Twitterde: «Quebecte öldürüci ücümni qattiyen tenqit etemiz. Fikirlerim qurbanlarnen meşğul, bizler Kanada halqını terrorizmge qarşı küreşte destekleymiz», – dep yazdı.
Strongly condemn deadly attack in #QuebecCity. My thoughts are with the victims as we stand by the people of Canada against terrorism.
— Pavlo Klimkin (@PavloKlimkin) 30 января 2017 г.
Quebec politsiyası bildirdi ki, Quebec şeerindeki camige yanvar 29 künü yapılğan ücüm aqibetinde altı insan elâk oldı, daa sekizi – yaralandı. Uquq qoruyıcılar, eki şekli insan yaqalanğanını bildirdi, lâkin diger tafsilâtlarnı açıqlamadı ve taqiqat tek-tek başlanğanını qayd etti.
Kanada baş naziri Justin Trudeau bü atışnı terroristik ücüm olaraq tanıttı.