Advokat Emil Kurbedinovnıñ evinda yanvar 26 künü Rusiye FSB hadimleri tintüv keçireler. Bunı Radio Svoboda muhbiri Anton Naumlük haber ete.
Bundan evel, advokatnıñ ofisinde tintüv keçirilgeni aqqında haber etilgen edi.
Bundan ögüne, Edem Semedlâyev ve Emil Kurbedinovnıñ qullanğan maşnanı polis hadimleri toqtatqan ediler. Soñra ise şu yerge FSB hadimleri kelip Kurbedinovnı yaqaladılar. Advokatnı «ekstremistik malümatlarnıñ tarqatılmasında» qabaatlaylar, oña qarşı toqtatuv tedbiri aqqında qarar Kreml kontrolündeki Aqmescitniñ Demryol rayon mahkemesinde qabul etilecegi belli oldı.
Emil Kurbedinov «Hizb ut-Tahrir işi» boyunca bir-qaç mahkümniñ ve jurnalist Nikolay Semenanıñ advokatı ola.
Keçende Aqmescitte FSB hadimleri, İlmi Umerov ve Ahtem Çiygoznıñ işlerinde advokat olğan Nikolay Polozovnı yaqalap, sorğuğa alğan ediler. Polozov bu yaqalamanı qaçıruv olaraq tanıy.