Türkiyede yılbaş gecesinde İstanbuldaki gece klubında 39 insannı öldürgen erkek yaqalandı, dep haber ete türk kütleviy haber vastaları.
Berilgen malümatqa köre, qatil İstanbulnıñ Esenyurt rayonında yanvar 16-da yaqalandı.
#BREAKING Istanbul Governor says Reina attacker admitted his guilt, fingerprints match pic.twitter.com/PTP4kbmYcg
— CNN Türk ENG (@CNNTURK_ENG) 17 Ocak 2017
Yanvar 1-de gece silâlı erkek İstanbuldaki Ortaköy tarihiy rayonında yerleşken Reina gece klubında Yañı yılnı qayd etmege kelgen insanlarğa qarşı ateş açı. O, kirişte turğan politsiya hadimini öldürip, içeri kirdi. Neticede 39 insan elâk oldı ve 60-tan ziyadesi yaralandı.
Türkiye politsiyası ücüm etken insan Özbekistan vatandaşı Abdulkadır Maşaripov olğanını aydınlattı.
Ücüm mesüliyetini «İslâm devleti» terrorist teşkilâtı öz boynuna aldı.