Rusiye baş prokurorı Yüriy Çayka, Moskva prokurorınıñ muavini Oleg Kamşılovnı Qırım prokurorı vazifesine tainlemege teklif etti. Bunı RİA Novosti agentligine Kreml kontrolündeki Qırım parlamentiniñ devlet qurucılığı ve yerli idare komitetiniñ yolbaşçısı Yefim Fiks haber etti.
Bildirüvde aytıla ki, Kamşılovnıñ namzetini baqmaq meselesi, Qırım parlamentiniñ 28 dekabrge belgilegen tevbetten tış toplaşuvında kün mevzuları sırasına kirsetilgen.
İşğal etilgen Qırımnıñ evelki prokurorı Natalya Poklonskaya, Rusiye Devlet Dumasına drputat olaraq saylanılğan soñ bu vazifesinden çetleşken edi. Onıñ birinci muavini Andrey Fomin, yarımadada baş prokuror vazifesini eda etip başladı.
Oleg Kamşılov 1969 senesi Omsk vilâyetinde doğdı. Omskta şeer prokurorınıñ birinci muavini, Krasnoyarsk vilâyet prokurorınıñ birinci muavini olıp çalışqan edi. Kamşılov «Vatan ögündeki yararlıqları içün» II derece orden medali ve «Rusiye Federatsiyası prokuraturasınıñ muhterem hadimi» mukâfat tamğasınen rağbetlendirilgen.