Android esasında cep telefonları içün qırımtatar luğatını azırlağanlar ilâvege qırımtatarca-ukraince ve ukraince-qırımtatarca luğatlarnı qoştı. Bu aqqında leyhanıñ Facebooktaki saifesinde aytıla.
«Qırımtatar luğatı içün küçük bir yañılıq azırladıq, daa bir til qoşuldı, rusçadan ğayrı – ukrain tili de olacaq. Latince yazılğan qırımtatar sözlerini kirill urufatına da çevirdik», – dep aytıla haberde.
İşbu qırımtatar luğatı medeniye.org saytındaki luğat esasında azırlanğandır. İlâve internet bağı olmasa da çalışa.
İlâveni Google Play saytından endirmek mümkün.
Malüm ki, Medeniy Qırım qırımtatar teşebbüsçi gruppası iOS ve Android smartfonları içün qırımtatar luğatını azırladı – Canlı Luğat.