Kyivde Qırımnıñ haber reintegratsiyası strategiyası muzakere etilir eken çetelde Qırım meselesine diqqat celp etecek yollar baqıldı. Bunı Ukraina Haber siyaseti nazirliginiñ matbuat hızmeti bildirdi.
«Bugünde-bugün Qırım vaziyeti dünya kütleviy haber vastalarınıñ esas mevzusı degil, amma halqara munaqaşa ve siyasiy meydançıqlarda onıñnen daa çoq meraqlanalar», – dep qayd etti Mihail Smutov, «UA:Perşıy» kanalınıñ baş müdiri.
Muşavere vaqtında ekspertler şunı da qayd ettiler, hususan Büyük Britaniya ve Frenkistanda eñ çoq Qırım cenki aqqında aytalar. Qırımda Ekinci cian cenki adiselerine ve qadimiy tarihqa bağışlanğan kitaplar da derc etile.
«Ukraina Qırım eskiden Rusiye toprağı olğanına dair efsanelerni yoq etmeli», – dep aytıla matbuat hızmetiniñ haberinde.
Ekspertlerniñ qayd etkenine köre, Ukraina içinde Qırımğa nisbeten siyaset belgilenmese, tışqı haber siyaseti semereli olamaz.