Qırımtatar asıllı ukrain yırcısı Jamala «Novoye Vremâ» (Yañı Devir) ukrain mejmuası taradından taqdim etilgen « Yañı Devir İnsanları» mukâfatına nail oldı. Bunı yırcı öz Facebook saifesinde haber etii.
Keçken sene bu mukâfatnen qırımtatar halqınıñ lideri Mustafa Cemilev, Qırımtatar Milliy Meclis reisi Refat Çubarov ve ATR qırımtatar telekanalınıñ saibi Lenur İslâmov taqdirlengen ediler.
Teşkilâtçılarnıñ sözlerine köre, mukâfat «Qırım işğaline qarşılıq içün» berilgen edi.
Mukâfat tesisçileri qayd etkeni kibi, mukâfat saipleri «keteyatqan senede memleket yaşayışınıñ çeşit saalarında standart ve qaidelerni bozğan ve deñiştirgen, ve memleketniñ yañı tarihınıñ ayırılıp turğan şahısları olğan insanlar»dır.