Qırım yarımadası ile memuriy sıñırda neler ola? Endi-endi sıñırnı keçtim. Esas hulâsa: Rusiye akimiyeti «işanılmaz» olaraq sayğan faallerniñ areketlerini daa ziyade kontrol ete.
Bundan ğayrı, vatandaşlarğa qarşı küçük provokatsiyalarnı yapmaq ıntıluvlarını kördim – çantalarnı içeride sıñırcı işdeşleriniñ nezareti altında qaldırmağa rica eteler. Maña «qomşu binağa» barmağa teklif etildi. Elbet de, Rusiye sıñırcılarınıñ «nezareti altında» eşyalarımnı qaldırmadım – kim bile, içine ne qoyarlar.
Qırım ile memuriy sıñır. Rusiye tarafı. Arhiv fotoresimi
Ve eñ esası: zornen, insanlarnı qorquza-qorquza cep telefonlarını köstermege talap eteler, bermeseñ – aldata-aldata, şahsiy seriya nomerasını köstergen raqamlarnı kirsetmege zorlaylar.
Rusiye akimiyeti faallerni er vaqıt taqip etecek ola
Malümat içün: cep telefonınıñ şahsiy seriya nomerası – ciaznı belgilemek ve o, çalışsa, beş yüz metr radiusında bulunğan yerini tapmağa yardım etken yekâne imkândır. Demek ki, Rusiye akimiyeti faallerni er vaqıt taqip etecek ola.
Bundan ğayrı, sıñırcı/FSB hadimleri esas Ukrainada yaşağan soy-soplar aqqında malümat toplaylar.
Mence, diqqatlı ve muqayt olmalı.
Rita Krımskaya, qırımlı
«Bloglar» rubrikasında bildirilgen fikir-tüşünceler müellifniñ noqtaiy-nazarını aydınlatıp, muarririyetniñ baqışları ile aynı olmaması mümkün