İşğal altındaki Aqyarda noyabr 7-de tamir işleri keçirilgeninden sebep Nahimov rayonında suv berilmesi toqtatılacaqtır. Bunı Kreml kontrol etken Aqyar ükümetiniñ matbuat hızmeti bildire.
Matbuat hızmeti qayd ete ki, şeerniñ suv ağında keçirilecek qazayi işlerden sebep Melnik soqağı ve Pobeda caddesinde suv berilmesi toqtatılacaq.
Matbuat hızmeti bildirgenine köre, suv noyabr 7-de saat 17:00 qadar olmaycaqtır.
Oktâbr ayınıñ soñunda tamir işlerinden sebep Aqyar merkezinde suv berilmesi toqtatılğan edi.
Rusiyeniñ Qırım işğalinden soñ Ukraina Dnipronı yarımada ile birleştirgen Şimal-Qırım kanalı boyunca yarımadağa suv berilmesini toqtattı. Ukraina bu kanal üzerinden Qırımnıñ suv ihtiyaclarınıñ 85%-nı qarşılağan edi.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy ad