Ukrainanıñ faşist işğalcilerden azat etilgen kününde Qırım ile memuriy sıñırda yerleştirilgen Çonğan kiriş/çıqış teşkerüv noqtasında 11 metr yükseklikte ukrain bayrağı tiklenildi. Onı Rusiye tarafından qurulğan beton sığanaqtan 50 metr uzaqlıqta pekittiler. Endi ukrain bayrağı rus bayrağından yüksekçe yerleştirilgen, dep haber ete Qırım.Aqiqat muhbiri.
«Biz isteymiz ki, işğalciler körsünler, bu – Ukraina topraqlarnıñ azat etilmesiniñ başlanğıçıdır. Qırım – ukrain toprağı edi ve olacaq. Vaqıt kelir ve bu ukrain bayrağı Qırımnıñ merkezinde ükselecek, men sizge söz berem», – dedi Geniçesk rayon devlet idaresiniñ yolbaşçısı Aleksandr Vorobyov.
Qırım 2014 sensiniñ başında Rusiye tarafından işğal etilgen soñ qıtaiy Ukraina ve yarımada arasında memuriy bir sıñır peyda oldı, amma asılında tam bir «sıñır» şekillendi. Qırım vaqıtınca işğal etilgen topraq olaraq ilân etildi.
Your browser doesn’t support HTML5
На админгранице с Крымом украинский флаг подняли над российским (видео)