Ukraina prezdeniti Petro Poroşenko Ukraina ve Avropa Birligi arasında vizasız rejim Ukraina – AB sammiti ötkerilecek künde, noyabr 24-de çalışıp başlaycağını beyan etti. Bunı Radio Svoboda bildire.
Ukrain telekanallarına berilgen intervyü devamında o bu vaqıtqa qadar bütün kerekli vesiqalar azır olacağını bildirdi.
Poroşenko Kyivniñ kontrolünden çıqqan Donbass bölgelerine OSCE polis nezaretiniñ kirmesi bu regionda saylavlarnıñ keçirilmesi içün vacip şart olğanını beyan etti.
Onıñ sözlerine köre, OSCE nezaret missiyasınıñ semereligini arttırmağa kerek ve bu içün silâlı polis missiyası kerekli. Poroşenko dedi ki, saylavlarnıñ keriçilmesinden ögüne ukrain tarafı daimiy surette OSCE terafından sıñırnı kontrol astına almalı.
Saylav ceryanını teşkil etmek içün Kyiv daa bir şart qoya – bu «saylavlardan soñ ekinci künde» ukrain arbiyleri Rusiye ve Donbass arasındaki sıñırnı nezaret astına almalılar, bu da Minsk muqavelesinde añlaşıla.
Poroşenko qayd etti ki, şimdiki vaqıtta «Normandiya dörtlüginiñ» iştirakçileri Donbass boyunca Minsk añlaşmalarınıñ eda etilmesi içün «yol haritasını» azırlaylar. Onıñ esas noqtaları Minsk muqavelesiniñ amelge keçirilmesi içün tam muddetlerniñ belgilenmesinen bağlı olacaq.