Bazarertesi künü oktâbr 17-de ava bozulğanından sebep Keriç parom keçiti öz işini toqtattı. Bunı «Deñiz müdirligi» («Morskaya direktsiya») şirketi bildire.
Taşıyıcı şirketniñ malümatına köre, ava bozulğanından sebep paromlarnıñ işi toqtatıldı.
Bir kün evelsi sinoptikler oktâbr 19-na qadar Keriç boğazı rayonında ruzgâr olacağını bildirgen edi.
Yel süratı saniyede 20 metrni teşkil ete bile.
Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.