Rusiye tarafından işğal etilgen Qırımda mahkeme sisteması butünley FSB areketlerini destekley. Bunı ukrain siyasiy mabusı Nikolay Semenanñ advokatı Emil Kubedinov beyan etti. Onıñ sözlerini Facebook saifesinde Qırımtatar Milliy Qurultayınıñ MSK reisi Zair Smedlâyev yerleştirdi.
Kurbedinov oktâbr 11 künü Kremlinge bağlı olğan Qırım mahkemesinde Nikolay Semenanıñ advokatları tarafından berilgen şikâyetler baqılğanını beyan etti.
«Bizler FSB taqiqatçısı ekspertizanıñ keçirilmesi aqqında qararnı köstermek kerek olğanı aqqında ayta edik. Bu yapılmadı. Bugün biz buña şikâyet ettik. Teessüf ki, nevbetteki kere Qırım ve Rusiye mahkeme sisteması, imayeniñ noqta-i nazarına emiyet bermeyip, Federal telükesizlik hızmetiniñ tarafını ala», – dedi Kurbedinov.
Your browser doesn’t support HTML5
Судебная система Крыма и России идет на встречу ФСБ – адвокат (видео)
Advokat dey ki, imaye tarafı mahkemeniñ qararlarına şikâyet etmege devam etecek ve müşteri içün adaletli qarar çıqarılmasına ümüt ete.
Bundan ögüne Qırımda Rusiye nezareti astndaki mahkeme Nikolay Semena boyunca bidayet mahkemeniñ qararını deñişmesiz qaldırdı.
Baarde Qırımda kütleviy şekilde tintüvler, bu cümleden, Qırım.Aqiqat ile işbirlik tutqanında şeklenilgen mustaqil mühbirlerde tintüvler keçirildi. Radio Svoboda müellifi Mıkola Semenağa qarşı Rusiye Federatsiyasınıñ topraq bütünligini bozmaq çağırğanında şeklenilüv boyunca cinaiy iş açıldı. Rusiyeli taqiqat oña yarımadadan çıqmağa yasaq etti.
Ukraina Tışqı işler nazirligi Ukraina vatandaşlarınıñ, hususan, mühbir Mıkola Semenanıñ işğal etilgen Qırımda taqip etilmesinden qasevet çekkenini bildirdi ve oña basımnı toqtatmağa çağırdı.
Avgust 23-te Mıkola Semenanıñ imayesi FSB-nı mühbirni Qırımdan tedaviylenüvge yibermege çağırdı.
Bundan evel Halqara ve Avropa mühbirler Federatsiyası rusiyeli ükümetten Mıkola Semenanıñ Kiyevge tedaviylenüvge yiberilmesini talap etti.