AQŞ Devlat kâtibi John Kerry ve Rusiye Tışqı işler naziri Sergey Lavrov oktâbr 5 künü telefon subetini keçirip, Ukrainada ve Suriyedeki vaziyetni muzakere ettiler, ve Şimaliy Koreyanıñ özekli silâ deñemeleri aqqında qonuştılar.
«Ukrinfomnıñ» haberine köre, bunı AQŞ Devlet departamentiniñ resmiy vekili Mark Toner bildirdi.
Eki taraflama bağ toqtatılğanı aqqında ilân etilgen soñ ne sebepten muzakereler devam ettirilgeni aqqında soralğanda, Toner qayd etti ki, bu qonuşma «çoq yıllıq çalışmalarnıñ bir qısımı edi ve olar devam etilecekler».
Rusiye Tışqı işler nazirliginde de bu subet aqqında heber ettiler.
«Suriyedeki vaziyet, ukrain buhranınıñ çezilüvinen bağlı işbirlik ve BM teşkilâtınıñ Şimaliy Koreya işi boyunca çalışması mevzularında fikir paylaşmaları olıp keçti», – deñile Rusiye TİN sitesinde.
Aynı şu künü, oktâbr 5-te, Devlet kâtibiniñ Avropa ve Avrasiya işleri boyunca yardımcısı Victoria Nuland Moskvada çalışa edi. Rusiye prezinetiniñ yardımcısı Vladislav Surkov ile o Ukrainanıñ şarqiy bölgelerindeki davanı muzakere ete edi.