Kiyevde yañıdan tiklenilgen Vernadskiy adına Tavriya milliy universitetinde işğal etilgen Qırımdan talebeler oquy, dep bildirdi aliy oquv yurtunıñ rektorı Vladimir Kazarin. Bu aqta o Qırım.Aqiqat Radiosınıñ saba yayınında añlattı.
«Umumiy olaraq, birinci kursqa şimdilik tahminen 250 talebe aldıq, amma aynı vaqıtta bizde Qırımdan talebelerni keçirüv kampaniyası keçirile, em de tek Tavriya universitetinden degil de, diger aliy oquv yurtlarından da, 2, 3, 4-ci kurslarğa ve magistraturağa... Yañı yılğa qadar biñge yetecekmiz, baarde eki biñge keçermiz, çünki bu ceryan (talebelerniñ keçirilüvi – QA) toqtamayıp devam ete», – dedi o.
Vladimir Kazarinniñ sözlerine binaen, bu seneden başlap, Qırım sakinleri Tavriya milliy universitetine bütün yıl devamında keçirile bile.
Your browser doesn’t support HTML5
Битва за умы. В какие вузы поступают крымские абитуриенты
Vernadskiy adına Tavriya milliy universiteti (TMU) 2016 senesinden başlap, Ukraina qıtaiy qısmında çalışa. Universitet esasında «Qırım – Ukraina» yedi tasil merkezinden biri teşkil etildi, bu yerde Qırım abituriyentleri, Tışqı mustaqil bilgige qıymet kesüvden keçmeyip, ukrain tasilini ala bile. Qırım abituriyentleri içün kiriş kampaniyası iyül 1-den sentâbr 20-ge qadar devam etecek.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.