Şimdiki vaqıtta Qırımtatar Milliy Meclisi reisiniñ muavini İlmi Umerovnıñ işini alıp barğan rusiyeli adliyeci Mark Feygin içün Rusiyeden çıqış yasaqlandı, bu aqta adliyeci Twitterde yazdı.
«Şimdi menim devletten çıqışımnı sıñırladılar. Maña bunı bildirgen Plotnikov A.A. mahkeme hadiminde bulunam. İç delilsiz», – dep qayd etti adliyeci.
Только что мне ограничили выезд из страны. Нахожусь у судебного пристава по ЦАО Плотникова А.А. сообщившего мне об этом.Без всяких оснований
— Mark Feygin (@mark_feygin) 18 августа 2016 г.
Onıñ qayd etkenine köre, böyle tedbirler, adliyecini qırımtatarlarnıñ işlerinde iştirak etmesinden uzaq tutmaq içün yapıladır.
«Çıqışım, qırımtatarlarnı imaye etip olamacağım içün sıñırlanğan. Ğaliba, bu enişten evelki repetitsiyadır», – dep yazdı Feygin.
Мой выезд ограничен, чтобы я не мог защищать крымских татар. По-видимому, это репетиция перед посадкой.
— Mark Feygin (@mark_feygin) 18 августа 2016 г.
Mark Feygin Pussy Riot ve Nadejda Savçenkonıñ işinde imayeci edi, o, qırımtatar lideri Mustafa Cemilevniñ oña Qırım territoriyasına kiriş yasaqlanması boyunca FSB-ge qarşı davada menfaatlarını qorçalay. Bundan da ğayrı, adliyeci Meclis reisiniñ muavini İlmi Umerovnıñ menfaatlarını taqdim ete, Rusiye ükümeti onı Qırımda «separatizm» içün mahküm ete.
Вот приставы запретившие мне выезд pic.twitter.com/lAARNmdzpr
— Mark Feygin (@mark_feygin) 18 серпня 2016 р.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.