«Sıcaq» Qırım aftası fotoresimlerde

Qara Acı körfezindeki Qara Acı (Olenevka) qasabasında «Extreme Krım 2016» ekstremal oyun çeşitleri festivali, 2016 senesi iyül 23 künü

Qırımnıñ ğarp yalısındaki Baqqal belinde keçirilgen «Tavrida» umum Rusiye tasil gençlik forumınıñ «Genç mimarları ve tasarımcıları» sessiyasınıñ iştirakçileri Keriç köprüsiniñ maketini qurdılar, 2016 senesi iyül 17 künü

Qırımnıñ Popovka qasabasında «KaZantik» ve «Befooz» festivalleri keçirilgen plâjda yanğın yüz berdi. Eki qatlı hocalıq binası, skemle ve qora yandı, 2016 senesi iyül 17 künü

Aqmescitte ava bombasını zararsız alğa ketirdiler, 2016 senesi iyül 17 künü

PokemonGo oyunı Aqyarğa kelip çıqtı – yerliler  pokemonlarnı er yerde tutalar, 2016 senesi iyül 18 künü

Rusiye balerini Anastasiya Voloçkova Qırımğa keldi, 2016 senesi iyül 21 künü

Aqyar şeer avtobuslarınıñ yol parası paalılaştı. Şimdiki fiyatı – 15 ruble (5 grivnadan ziyade), 2016 senesi iyül 21 künü

Aqyarda politsiya hadimleri Rusiyeli vali Sergey Menâyloğa qarşı soqaq aktsiyasınıñ keçirilmesini yasaq ettiler, 2016 senesi iyül 22 künü

Aqyarda Nahimov eykeli yanında miting olıp keçti. Çıqışta bulunğanlar ükümetke qarşı laflar aytıp, şeer parlamentiniñ deputatlarını da tenqit ettiler, 2016 senesi iyül 22 künü

Qarasuvbazarnıñ «Taygan» arslanlar bağçasını Rusiye yırcısı Filipp Kirkorov ziyaret etti, 2016 senesi iyül 24 künü