Rusiye tarafından işğal etilgen Qırım kurortlarınıñ rusiyeliler arasında populâlığı doğru «media adiselerge», hususan rusiyeli kütleviy haber vastalarında yarımada aqqında hatırlatmalarnıñ sıqlığına bağlı. Böyle fikirni Qırım.Aqiqat Radiosınıñ aqşam yayınında Aviаsаlеs.ru şirketiniñ tışqı kommunikatsiyalar müdiri Yanis Dzenis bildirdi.
«Qırımnıñ populârlığı yayınlarda ve çeşit medialarda «Qırım» sözüniñ tekrarlanma sayısınen bağlı. Çünki, umumen olaraq, o yerge barmaq içün başqa sebep yoq. Global olaraq, o yerdeki infrastruktura tursitlerniñ böyle miqdarını qabul etmege azır olğanını tasavur etmek qolay degil ve biz endi bir qaç kere kördik ki, nasıldır media adise bu ya da başqa yönelişke istekni arttıra», – dep ayttı Dzenis.
Rusiyeli ekspert, futbol çempionatından soñ İslandiya turistler arasında populâr olğanını misal olaraq ketirdi.
«Meselâ, yaqında olıp keçken çempionatta İslandiyanıñ iştiragi ve umumiy İslandiyadan ayretlenme sayesinde Reykyavikke biletler qıdırılmasınıñ sayısı 30%-ğa arttı. Bunıñ içün, televizornıñ bütün dögmelerinde Qırım – siznen yazda ola bilecek eñ yahşı şey, dep aytsalar, elbet, bu tesirge oğrağan adamlar bunı ömürge keçire», – dep qayd etti Dzenis.
Your browser doesn’t support HTML5
Новости Радио Крым.Реалии
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.