Kiyevde siyasiy mabuslar ve hırsızlanğan Qırım sakinleri aqqında malümat taqdim etildi (video)
Your browser doesn’t support HTML5
Kiyevde Qırımtatar resurs merkeziniñ faaliyeti aqqında malümat taqdim etildi, bunıñ arasında Qırım siyasiy mabusları ve işğal etilgen yarımadada hırsızlanğan kişiler aqqında bildirgen eki yañı kitapçıqnıñ neşir etilmesidir. Qırımtatar Milliy Meclisi azası Eskender Bariyevniñ qayd etkenine köre, risaleler rus ve ingliz tillerinde derc etildi, türk tilinde neşir etilmesi planlaştırıla. Kitaplarda 24 siyasiy mabusnıñ adları ve yaqalav ikâyesi bildirile. Bundan da ğayrı, buña belgisiz ğayıp olğan 16 Qırım sakini aqqında malümat kirsetildi.