«Eurovision-2016» halqara yır yarışınıñ ekinci yarım finalı mayıs 12-de İsveçiya paytahtı Stokgolm şeerinde keçirilecek. Aynı bu basamaqta Ukraina temsilcisi Jamala yarışta ğalebe qazanmaq içün küreşini başlaycaq. O qırımtatar sürgünligine bağışlanğan «1944» yırını icra etecek.
Tünevin Jamala Qırım.Aqiqatqa öz çıqışınıñ bazı incelikleri aqqında añlattı: «Çıqışımda yırlağanımdan doğacaq terek kösterilecek. Sanada doğacaq ve parıldaycaq. Bu pek simvolik olacaqtır. Ukraina kibi, Qırım kibi, azaplardan ğayrıdan doğacaq».
Yarışnıñ birinci yarım finalı mayıs 10-da «Ericsson Globe» sanasında keçirildi.
61-ci «Eurovision» yarışında 42 devlet iştirak ete.
Jamala sanağa 14-ünci nevbette çıqacaq.
Your browser doesn’t support HTML5
«Eurovision-2016» yarışınıñ yarım finalı ögüne Jamala ukrainler ve qırımtatarlarğa muracaat etti (video)